Моуриньо шогирди Қатардаги жаҳон чемпионатига бориши кераклигини айтмоқда

“Рома” бош мураббийи Жозе Моуриньо жорий мавсумни юқори савияда давом этираётган Крис Смоллинг Англия терма жамоаси сафида Қатарда бўладиган жаҳон чемпионатида иштирок этишга лойиқлигини айтмоқда.

- Агар мен терма жамоани бошқарганимда қўл остимда Смоллингдек футболчи бўлиши учун қўлимдан келганини қилардим, - деди португалиялик мутахассис.

Крис Смоллинг 2019 йилдан бери “Рома” шарафини ҳимоя қилиб келмоқда ва жамоа сафидаги ягона совринини ўтган йили Конференциялар лигасида қўлга киритди.

32 ёшли футболчи 2011-2017 йиллар давомида Англия терма жамоасида фаолият юритган ва жами 31 учрашувда қатнашиб, битта гол ҳам урган.