Моуриньо: "Тэммига ишонч билдиришда давом этаман"

"Рома" бош мураббийи Жозе Моуриньо жамоа ҳужумчиси Тэмми Абрахам ҳақида фикр билдирди. Айтишича, Абрахам ҳозиргидан ҳам яхшироқ ўйин кўрсатиши мумкин.

"Сиз Тэммини зўр ўйнаяпти, дейишингиз мумкин. Аммо у бундан ҳам ажойиб ҳаракатланиши мумкин. 

Мен ундан кўп нарса талаб қиламан. Сабаби, Абрахам янада кучлироқ ўйин кўрсатишга қодир.

Мен унинг потенциалини биламан. Тэммига ишонч билдиришда давом этаман. У шунга лойиқ футболчи", - деди португалиялик мутахассис.