Моуриньо "Тоттенхэм"нинг мағлубиятига изоҳ берди

"Тоттенхэм" бош мураббийи Жозе Моуриньо ҳужумчи Харри Кейннинг жароҳати жамоага қимматга тушаётгани ҳақида айтиб ўтди.

Ҳужумчи АПЛ 20-тури доирасида "Ливерпуль"га қарши ўйинда тўпиғидан жароҳат олди ва "Брайтон"га қарши ўйинни ўтказиб юборди.

"Мағлубият жамоани руҳиятига таъсир қилмоқда. Ўтган ўйиндаги йўқотишга жавоб бера олмадик. Футболчилар ҳақида гапирмоқчи эмасман, бироқ Кейннинг йўқлиги сезилмоқда. Гап футболчида эмас, шунчаки, Кейн алмаштириб бўлмайдиган етакчига айланган", - дейди Моуриньо.

Кейннинг тикланиш жараёни бир-икки ҳафта талаб қилади. Англия чемпионати 21-туридан сўнг "Тоттенхэм" 33 очко билан 6-ўринда бормоқда.