Моуриньо: "Хато қилдик, аммо ҳозир йиғлайдиган вақт эмас"

"Тоттенхэм" бош мураббийи Жозе Моуриньо АПЛ 15 тури "Манчестер Юнайтед"дан учралган мағлубиятга изоҳ бериб ўтди.

"Биз топ олтиликка интилаётган клубга мағлуб бўлдик. Бундан тўғри ҳулоса қилиб, олдинга юришда давом этишимиз керак. Биз ҳато қилдик, аммо ҳозир бу ҳақида ўйлаб йиғлайдиган вақт эмас, шанба куни яна бир оғир ўйин кутиб турибди.

Рэшфорд чап қанотда жуда ҳафли ўйинчига айланади. Буни яхши билардим, шу сабаб шогирдларимга керакли кўрсатмаларни бердим.

"Олд Траффорд" доимгидек, мени жуда яхши кутиб олди. Бу ёқимли бўлди, албатта. Мен шундай бўлишини кутган эдим", - дейди Моуриньо.