Моуриньо яхши хабар эшитди

“Рома”нинг 25 ёшли ҳимоячиси Меҳмет Зеки Челик “Верона” билан бўладиган учрашув олдидан жароҳатидан тўлиқ қутилди.

Туркиялик футболчи тизза бўғимининг шикастланишидан азият чекаётган эди.

Il Tempo нашрининг хабар беришича, ўнг қанот ҳимоячиси А Сериянинг 12-турида сафарда “Верона” билан бўладиган ўйинга тайёрланмоқда.

Мутахассисларнинг таъкидлашича, узоқ муддатли танаффусдан сўнг Челик ҳали тўлиқ ўйнашга тайёр эмас. Бироқ, мураббийлар штаби вазиятга қараб, унга бир неча дақиқалик ўйин амалиётини бериши мумкин.

Ҳозирча, Жозе Моуриньо 23 ёшли марказий ҳимоячи Рожер Ибаньеснинг сафга қайтишини кутяпти. Бразилиялик ўйинчининг ошқозони оғриб қолган эди.

Меҳмет Зеки Челик ёзда “Рома”га кўчиб ўтганидан бери жами тўққизта учрашувда қатнашиб, майдонда 509 дақиқа  ҳаракат қилди.