Моуриньога "Интер" ва "Рома"дан қизиқишлар пайдо бўлди

Португалиялик мутахассис Жозе Моуриньо фаолиятини Италияда давом эттириши мумкин.

Sky Sport Italia нашри тарқатган хабарга кўра 56 ёшли мураббийга "Интер" ва "Рома" клубларидан жиддий қизиқишлар бўлмоқда. Моуриньо эса мавсум якунлангач таклифларни кўриб чиқмоқчи.

Эслатиб ўтамиз, “Интер” Моуриньо учун бегона эмас. “Нерадзуррилар” унинг бошқарувида Чемпионлар лигасида ғолиб чиқишган эди.

Моуриньонинг сўнгги иш жойи “Манчестер Юнайтед” клуби бўлган эди. У “қизил иблислар” бошқарувидан ўтган йилнинг декабрида истеъфога чиқарилган эди.