Mourinoga so‘nggi imkon. O‘rnini yangi mutaxassis ko‘zlab turibdi

Yaqinlashib kelayotgan 12 kun davomida “Tottenxem” to‘rtta uchrashuv o‘tkazadi. Mana shu bahslar Joze Mourinoning jamoadagi kelajagiga oydinlik kiritadi. Natija salbiy bo‘lsa, murabbiy o‘z o‘rnini bo‘shatib berishi kerak.

“Tottenxem” rahbariyati portugaliyalik mutaxassis ketsa, o‘rniga “Leyptsig”ni grand klublar qatoriga qo‘shishni uddalagan Yulian Nagelsmanni olib kelishni qaror qilgan.

Avvalroq, londonliklar Angliya premer-ligasiga moslashgan Brendan Rojersni  taklif qilishni istagan edi. Biroq, buning uchun “Lester”ga kompensatsiya to‘lash kerakligi aytilganidan keyin vaziyat va nomzod o‘zgardi.