Моуриньони Саудияда кутишяпти

“Рома” бош мураббийи Жозе Моуриньо Саулия Арабистони шайхлари эътиборидан четда қолгани йўқ.

Бу мамлакат клублари Европанинг номдор ўйинчилари ва машҳур мураббийларини ўз сафига чорлаяпти.

Хусусан, португалиялик мутахассис ҳам саудияликлардан мўмай даромадли таклиф олди. Бу ҳақда таниқли инсайдер Николо Скира маълумот берди.

Манбанинг таъкидлашича, Моуриньо арабларнинг таклифини қабул қилмаган. У Рим клубидаги фаолиятини давом эттиришни истаяпти.

Моуриньонинг пойтахтликлар билан келишув яна бир йил давом этади. Моуриньо келаси мавсум ўз олдига қўйилган вазифани уддалаб, “Рома”ни Чемпионалар лигасига олиб чиқишни кўзлаяпти. Клуб хўжайинлари эса уни трансферлар билан қўллаб-қувватламоқчи.