Моуриньо тўхтамайди! Мураббий "Реал"дан яна футболчи сўраяпти

Мадриднинг «Реал» жамоаси бош мураббийи Жозе Моуриньо ҳали ҳам жамоа ҳимоя чизиғини кучайтириш тарафдори экани айтилмоқда.

El Larguero нашри хабарига кўра, португалиялик мутахассис таркибда яна бир марказий ҳимоячи етишмаётганини таъкидламоқда. 

Ёз бошида «Қироллик клуби»га «Ливерпуль» билан шартномаси тугаган Иброҳим Конате эркин агент сифатида қўшилган эди.

Яқин кунлар ичида «Реал» «РБ Лейпциг» вингери Ян Диоманде билан шартнома имзолаганини эълон қилиши кутилмоқда. 

Шу билан бирга, Ла Лига гранди «Манчестер Сити» ярим ҳимоячиси Родрини ҳам ўз сафига қўшиб олиш устида иш олиб бормоқда.

Жозе Моуриньо июнь ойида яна «Қироллик клуби» бош мураббийлигига қайтганди. Португалиялик мутахассис бу лавозимда мадридликлар собиқ футболчиси Альваро Арбелоани алмаштирди.