Муҳаммад Салоҳ муҳим қарорга келди

“Ливерпуль”нинг кейинги йиллардаги энг зўр тўпурари янги шартнома бўйича музокараларда маош масаласидаги талабларини бироз юмшатишга қарор қилди, деб хабар бермоқда Британиянинг Mirror нашри.

Маълумотларга қараганда, мисрлик футболчи фаолиятини ҳозирги клубида давом эттиришни режалаштиряпти. Аввалроқ, Салоҳ ливерпулликлар билан келиша олмаса, “Барселона”га ўтиши мумкинлиги ҳақида хабарлар чиққан эди.

Ўз навбатида, Хави ҳам замонамизнинг энг зўр тўпурарларидан бирини ўз жамоасида кўришга рози экани айтилди.

Муҳаммад Салоҳ 2017 йилдан бери “Ливерпуль” шарафини ҳимоя қилиб келмоқда. Жорий мавсумда мисрлик ҳужумчи 37 маротаба майдонга тушиб, ўз ҳисобига 28 та гол ва 10 та ассист расмийлаштирди.