Муҳаммад Салоҳ ўрнига “Реал” юлдузини оламиз!

“Ливерпуль” раҳбарияти Муҳаммад Салоҳни ўзаро ҳамкорликни узайтиришга кўндира олмаганидан кейин ҳар эҳтимолга қарши унинг ўрнига юқори савияли ҳужумкор футболчи олиб келиш бўйича иш бошлади.

Мавсум охирида шартномаси тугайдиган мисрлик футболчи фаолиятини Саудия Арабистонида давом эттириши мумкинлиги айтилмоқда.

El Gol Digital нашрининг ёзишича, “Ливерпуль” мутасаддилари Салоҳ клубни тарк этган тақдирда унинг ўрнига “Реал” ҳужумчиси Родриго Гоэсни олиб келишга қарор қилган.

Манбага кўра, “Қироллик клуби” раҳбарияти ливерпулликларнинг бразилиялик футболчига жиддий қизиқиш билдираётганидан хабардор.

Экспертлар агар “Ливерпуль” мутасаддилари “Реал”ни қониқтирадиган сумма таклиф этадиган бўлса, мадридликлар трансферга қаршилик қилмаслигини таъкидламоқда. Шунингдек, даъвогар клуб Родригонинг ўзидан ҳам розилик олиши керак бўлади.