Муҳаммад Салоҳ суперклубнинг трансфер рекордини янгилаши кутиляпти

Британиянинг машҳур нашри Goal мутахассислари “Челси” раҳбарияти ёзда клубнинг трансфер рекордини янгилаши кутилаётгани ҳақида хабар тарқатди.

Ўтган ёз 97,5 миллион фунт эвазига “Интер”дан олиб келинган Ромелу Лукаку “аристократлар” ишончини оқлай олмайди. Бельгиялик ҳужумчининг ўзи кўп гол уришни уддалай олмаётганини бош мураббий Томас Тухель қўллаётган тактиканинг ноқулай экани билан изоҳлаб, Милан клубига қайтмоқчи эканини яширмаяпти.

Роман Абрамович эса ўз клубига кўп гол уришга қодир ҳужумчини олиб келмоқчи. Унинг эътибори “Ливерпуль” етакчиси Муҳаммад Салоҳга қаратилган. Ливерпулликлар бир пайтлар “Челси”да тўп тепган мисрлик футболчини янги битимга кўндира олмаяпти.

“Челси” африкалик тўпурар талаб қилаётган маошни беришга қодир. Бундан ташқари, Роман Абрамович Муҳаммад Салоҳнинг “Стэмфорд Бриж”га қайтариш учун клубнинг трансфер рекордини янгилаб, 120 миллион евро харажат қилишга тайёр.