Муҳаммад Салоҳникида жаноза бўлиб қолди

“Ливерпуль”нинг энг машҳур ҳужумчиси Муҳаммад Салоҳ оиласида қайғули воқеа юз берди. Журналист Исмаил Маҳмуднинг хабар беришича, Салоҳнинг бобоси вафот этган.

Ҳозирча ҳеч қандай қўшимча маълумот берилмаяпти. Энди Муҳаммад Салоҳ  бобосининг жанозасида иштирок этиш учун бир муддат “Ливерпуль” қароргоҳини тарк этиши мумкин.

Якшанба куни “Ливерпуль” ўз уйида “Манчестер Сити”га 1:2 ҳисобида мағлуб бўлди. Энди Арне Слот шогирдлари шу кунларда икки ўйин ўтказади. “Ливерпуль” Премьер-лигада “Сандерленд” билан куч синашиши ва Англия кубогида “Брайтон”га қарши майдонга тушиши лозим.

2025-2026 йилги  мавсумда 33 ёшли Салоҳ барча турнирларда  25 та ўйин ўтказиб, олти гол ва олти голли узатма муаллифи бўлган.