Мундиалда ўйнаган футболчи чемпион жамоага ўтмоқчи

Англия Премьер-лигаси вакили “Тоттенхэм”нинг қанот ҳимоячиси Жед Спенс бу ёзда Италия чемпион “Интер” клубига ўтишни истамоқда.

La Gazzetta dello Sport нашри маълумотига кўра, Спенс “Интер” раҳбарияти Дензел Думфриснинг ўрнини тўлдириш учун кўриб чиқаётган бир нечта номзодлардан бири ҳисобланади. Думфрис бу ёзда “Реал”га ўтиб кетди.

Манбанинг таъкидлашича, Спенснинг ўзи ҳам “Интер”га қўшилишга тайёр. Бироқ А Серия чемпионлари аввал “Тоттенхэм” билан Англия терма жамоасининг 25 ёшли футболчиси бўйича трансфер тўлови юзасидан келишувга эришиши керак.

Sky Sports қўшимча қилишича, Спенсга “Эвертон” ҳам қизиқмоқда. Ҳозирча клуб расмий таклиф бермаган, аммо Жеднинг номи ички муҳокамаларда тилга олинган.