Мурат Гассиев: "Мени рақибларимдан ҳар доим айб топишган"

Биринчи оғир вазнда собиқ жаҳон чемпиони россиялик Мурат Гассиев (30-1,23КО) швециялик Отто Валлинга (25-1,14 КО) қарши бўлажак жанг ҳақида фикр билдирди.

“Томошабинлар, экспертлар, танқидчилар менинг рақибларимдан доим айб топишган. Денис Лебедев қария, Кшиштоф Влодарчик бир хил услубга эга, Юниер Дортикос ундай, Aлександр Усик бундай. Сиз ҳаммага ҳам ёқавермайсиз. Мен эса барча рақибларимга тенг ҳурмат билан қарайман ва ҳеч қачон ҳеч кимни камситмайман.Бу менинг оғир вазн тоифасидаги бешинчи жангим бўлади. Ҳа, менинг рақибим аввалгиларига қараганда кучлироқ боксчи. Шундай экан, бунга ҳам аввалги жанглардаги каби жиддий тайёргарлик кўраман.",-деди Гассиев.

Эслатиб ўтамиз, Гассиев-Валлин жанги 30-сентабр куни Туркияда бўлиб ўтадиган бокс оқшомининг марказий тўқнашуви бўлади.