Муваффақиятли стартга қарамай "Бавария" футболчилари Компанидан норози бўлмоқда

"Бавария" футболчилари жорий мавсум муваффақиятли бошланганига қарамай, жамоа бош мураббийи Венсан Компанининг айрим ҳаракатларидан норози. Бу ҳақда Goal нашри хабар бермоқда.

Манбанинг ёзишича, бельгиялик мутахассис ўйин бошланишига бир кун қолганда футболчиларнинг телефонига хабар юбориш орқали бўлажак ўйин учун асосий таркибни эълон қилиши уларга ёқмаяпти. Бундан ташқари, футболчилар Компанининг таркибни алмаштиришга бўлган ёндашувини ҳар доим ҳам тушунмайди, масалан, тажрибали футболчилар нега маълум бир ўйинни захира ўриндиғида бошлашини.

Эслатиб ўтамиз, Венсан Компани 2024 йилнинг май ойида "Бавария" бош мураббийи этиб тайинланган эди. Немис клуби янги бош мураббий қўл остидаги мавсумда ҳозирча бирор марта ҳам мағлуб бўлмади.