Музаффар Абдуллаев: “Бунёдкор” билан ўйинга фақат ғалаба учун майдонга чиқамиз

Давралар оралиғида “Сўғдиёна”га Музаффар Абдуллаев келиб қўшилди. Иккинчи даврада Музаффар Абдуллаев жиззахликлар шарафини ҳимоя қилади. Бугун клуб матбуот котиби Дилдора Холбоева ушбу футболчи билан қисқача суҳбатлашди.

Музаффар, “Сўғдиёна” га қайтишингизга нима сабаб бўлди?

- Авваламбор, жиззахлик муҳлисларга алангалик салом. Яна Жиззахга қайтганимдан хурсандман. Менга 2-3 та жамоалардан таклиф бўлди. Буларнинг орасида “Сўғдиёна” ҳам бор эди. Хеч ўйлаб ўтирмай собиқ клубимга қайтдим. Ўткан йилги жамоа билан ҳозиргисида катта фарқ бор. Ҳозирги жамоа ҳам  менга бегона эмас. Муҳими аҳилмиз.

"Сўғдиёна"га қайтганингизда ўз олдингизга қандай мақсадларни қўйдингиз?

- Албатти, жамоанинг ғалабаларига ўз ҳиссамни қўшиш ва юқори ўринларга олиб чиқиш. Мени шу жамоага таклиф қилган инсонларни ишончини оқлаш. Жамоа билан ўз олдимизга қўйган мақсадга эришиш.

Иккинчи даврага тайёргарлик қандай бўлди?

- Тайёргарликнинг бирини қисми Зоминда бўлди. Унда асосан жисмоний ҳолатга эътибор қаратдик. Кейинчалик йиғин Тошкетда давом этди. Унда назорат учрашувларидаги ўйин тактикаларини синовдан ўтказилди. Жамоамиз иккинчи даврага 100% тайёр.

Олий лиганинг 16-турида ўз майдонимизда “Бунёдкор”ни қабул қиламиз. Ўйин борасида қандай фикрдасиз?

- Юқорида айтиб ўтганимдек, иккинчи давра учун тайёргарлик яхши бўлди. Таркибга бир қатор янги футболчиларни қўшиб олинди. “Бунёдкор” кучли жамоа, аммо ҳозирги кунда ҳамма клублар билан ўйнаса бўлади. Барчаси ўз қўлимизда. Ўз майдонимизда қабул қиламиз ва албатта, ғалаба учун майдонга чиқамиз. Худо хохласа, мухлисларимизни хурсанд қилишга харакат қиламиз.