МЮ 3 та футболчиси билан хайрлашди

Кристиан Эриксен, Виктор Линделёф ва Жонни Эванс "Манчестер Юнайтед" клубини тарк этишди.

Клуб ушбу футболчиларнинг шартномаси муддати тугагани сабабли жамоани тарк этганини эълон қилди. Дарвозабон Том Ҳитон билан эса янги шартнома имзолаш бўйича музокаралар олиб борилмоқда.

Шунингдек, "қизил иблислар"ни қуйидаги футболчилар ҳам тарк этди: дарвозабонлар Хуберт Грачик, Том Майлз ва Том Вустер, шунингдек ҳимоячилар Жек Кингдон, Сем Мюррей ва Жеймс Нолан.