МЮ 40 миллионга икки йилда битта гол урган ҳужумчи оляпти

“Манчестер Юнайтед” қишки трансферлар мавсумида “Аталанта”нинг 18 ёшли ҳужумчиси Амад Траорени сотиб олишга қарор қилди.

Футболчининг ўзи январь ойида Манчестерга бориб, клуб билан узоқ муддатли шартнома имзолашни режалаштирмоқда. Инглизлар Траоре учун италияликларга 40 миллион евро тўлашга тайёр. Шунингдек, трансфер учун 15 миллион евро миқдорида бонус ҳам кўзда тутилган.

“Аталанта” тарбияланувчиси бўлга Траоре 2019 йилда катта футболда дебют қилганди. Шундан бери бешта учрашувда майдонга тушиб, битта гол урди.