МЮ А Сериянинг юлдуз ҳимоячисини сотиб олмоқчи

"Интер"нинг етакчи ҳимоячиси Федерико Димарко Англиянинг топ клубига  ўтиши мумкин. Бу ҳақда, "Todofichajes" нашри хаюар бермоқда.

Манбага кўра, 27 ёшли италиялик футболчини "Манчестер Юнайтед" ўз сафига қўшиб олмоқчи. Димарко "қизил иблислар"нинг ёзги трансферлар давридаги устувор мақсади ҳисобланади.

"Нерадзуррилар" футболчи учун 50 миллион евродан кам миқдордаги таклифларни кўриб чиқмайди.

Эслатиб ўтамиз, Федерико жорий мавсум Италия чемпионатида 24 та баҳсда майдонга тушиб, 4 та гол урди ва 4 та голли узатмани амалга оширди. Ҳимоячининг жамоа билан амалдаги шартномаси 2027 йилнинг ёзида тугайди.