МЮ афсонаси

"Манчестер Юнайтед"нинг англиялик афсонаси Рио Фердинанд Европа Чемпионлар Лигасининг ушбу мавсумдаги фаворитлари хусусида сўз юритди. Бу ҳақида sports.ru нашри хабар берди:

"Бу мавсум барча учун қийин кечиши аниқ эди. Сабаби пандемия ҳаммага ҳар хил таъсир қилди, кимдир унинг зарарини эртароқ ҳис қилган бўлса, кимдир кечроқ сезди. Бироқ, футбол тўхтаб қолгани йўқ. Ҳаёт давом этади.

ЕЧЛнинг бу мавсумида ҳеч бир жамоанинг чемпионлиги ҳақида аниқ бир фикр билдириш қийин, лекин улар орасида "Бавария" ҳамда "Сити" бироз ажралиб турибди. "Бавария" ўтган йилгидек эмас, улар мағлубиятга ҳам учраб туришибди, аммо шунга яраша жавоб ҳам қайтара олишяпти. Рақибга нисбатан имкон қолдирмаслик - уларнинг асосий услуби. Шу темпда давом этишса, уларни енгиш анча қийинлашади.

"Манчестер Сити" эса мавсумнинг иккинчи ярмидан бошлаб, ўз ўйинини кўрсата бошлади. Улар тезлашишяпти, Премьер-лига учун бу муҳим. Улар ҳам ЕЧЛни ютишни хоҳлашади. Гвардиола ўз жамоаси билан ўтган мавсумда турнирни сенсацион тарзда тарк этганди, бироқ бу мавсумдаги уларнинг ўзига бўлган ишончи ундай бўлмаслигига ишора қилмоқда. Жамоалар камхарж футбол намойиш этади. Буни кузатиш эса анча қизиқ бўлади".

Матнда хатолик топсангиз, ўша хатони белгилаб, бизга жўнатинг (Ctrl + Enter)