МЮ "Атлетико Мадрид" футболчисига кўз тикмоқда

"Атлетико Мадрид" футболчиси Конор Галлахерни бир неча ойдан буён "Манчестер Юнайтед" клуби скаутлари кузатиб келмоқда. 

Журналист Фабрицио Романони берган маълумотига кўра, Галлахер ҳали ҳам "қизил иблислар"нинг қизиқишлари доирасида, аммо клубнинг асосий трансфер мақсадлари қаторида эмас. "Атлетико" таклифларни кўриб чиқади. Лекин уларга ижара варианти тўғри келмаслигини айтилмоқда. Футболчини тўлақонли сотиб олиш эса катта эҳтимол билан манкунианликларнинг режаларига тўғри келмайди. Англиялик хавбек "матраcчилар"нинг бошланғич таркибидан муҳим ўрин эгалламайди. Бу эса футболчини қишки трансфер ойнасида вақтида бошқа клубга ўтиш эҳтимолини оширади.

Конорнинг ҳозирда "Трансфермаркт" порталидаги нархи 40 миллион еврони ташкил этади. Унинг мадридликлар билан амалдаги шартномаси 2029 йилнинг ёзигача амал қилади.

Маълумот учун, 25 ёшли футболчи жорий мавсум "Атлетико" сафида 18 та учрашувда майдонга тушди ва 2 та гол уришга эришди.