МЮ Дибала учун "Ювентус"га қанча таклиф қилмоқчи?

"Манчестер Юнайтед" клуби яқинлашиб келаётган ёзги трансферлар даврида "Ювентус" форварди Пауло Дибалани ўз сафига қўшиб олмоқчи.

Calciomercato тарқатган хабарга қараганда “қизил иблислар” 25 ёшли аргентиналик футболчи учун туринликларга 85 млн евро таклиф қилишмоқчи.

Эслатиб ўтиш лозимки, бундан аввалроқ “Реал” Мадрид Дибаланинг трансфери учун 75 млн евро таклиф қилгани, аммо ушбу таклиф “кекса синьора”ни қаноатлантирмагани ҳақида хабарлар тарқалган эди.

Маълумот учун, Дибала “Ювентус” сафида 2015 йилдан буён тўп суриб келмоқда. У ўтган давр мобайнида жами 179та ўйинда иштирок этди ва ўз ҳисобига 78та гол ҳамда 31та голли узатма ёздириб қўйишга эришди.