МЮ футболчиси "Ювентус" билан шартнома имзолашга яқин турибди

IlBianconero нашри хабарига кўра, "Манчестер Юнайтед" вингери Тахит Чонг "Ювентус"га ўтишга яқин турибди.

Нидерландиялик футболчининг МЮ билан шартномаси ёз ойида якунланади ва у эркин агент сифатида Турин клубига бориб қўшилиши мумкин. Чонг манкунианликлар сафини "Ювентус"да кўпроқ ўйин амалиётига эга бўлиш учун тарк этмоқда дейилади манбаа хабарида.

"Кекса синьора" ёш ярим ҳимоячига ҳафтасига 30 минг фунтлик шартнома таклиф қилмоқда.

20 ёшли футболчи ушбу мавсумда Премьер-лигада икки маротаба майдонга тушди, шунингдек Европа лигаси ва Англия кубоги ўйинларида бир неча маротаба майдонда ҳаракат қилди.