МЮ футболчисини "Милан" нишонга олди

"Манчестер Юнайтед" ҳужумчиси Жошуа Зиркзе жамоасини ўзгартишини мақсад қилган. Бу ҳақда "Football24" нашри хабар берди.

Манбанинг берган маълумотларига кўра, Зиркзе ўйин амалиёти кам бўлганлиги сабабли МЮни тарк этмоқчи. Ҳужумчи 2026 йилда бўладиган мундиaл олдидан спорт формасини тиклаб олмоқчи. Айни вақтда нидерландиялик футболчига "Милан" клуби қизиқиш билдирмоқда. Россанериликлар Жошуа билан музокараларни бошлаб юборган. Италия клуби форвардни қишки трансфер ойнасида ижарага олишни мақсад қилган.

24 ёшли футболчининг ҳозирда "Трансфермаркт" порталидаги нархи 28 миллион еврони ташкил этади. Унинг "Қизил иблилсар" билан амалдаги шартномаси 2029 йилгача мўлжалланган.

Маълумот учун, 2024 йилда МЮ Зиркзени "Болонья"дан 42.5 миллион еврога сотиб олганди. Форвард шу давр мобайнида "Юнайтед" сафида жами 54 та учрашувда майдонга тушиб, 7 та гол киритган ва 3 та голли узатмани амалга оширган.