МЮ ғафлатда қолди. Сульшер аламда
“Манчестер Юнайтед” яқин келажакда жамоага катта фойда келтириши кутилган “Бирмингем” ярим ҳимоячиси Жуд Беллингемни трансфер қилишга тайёргарлик кўраётган эди. Манчестерликлар 16 ёшли футболчи учун январь ойида 30 миллион фунт таклиф қилганди.
Энди бу футболчи “Боруссия” жамоасига қўшилиш учун Дортмундга борадиган бўлди. Шартнома суммаси сир тутиляпти. Жуд Беллингемнинг ўзи “Боруссия”ни танлагани айтилмоқда. Чунки у бўлажак жамоасида яхшигина ўйин амалиётига эга бўлишига ишонмоқда.
Беллингем ёш бўлишига қарамай, “Бирмингем”нинг асосий таркиби аъзоси ҳисобланади. Ярим ҳимоячи жорий мавсумда Чемпионшипда 32 та ўйинда тўртта гол урди.
Фикрлар