МЮ гранд клубларнинг "кушандаси" билан шартномани узайтиради

Амад Диалло "Манчестер Юнайтед" билан шартномасини узайтиради. Бу ҳақда Фабрицио Романо хабар берди.

Журналистнинг маълум қилишича, 22 ёшли футболчи шу ҳафта клуб билан янги узоқ муддатли шартнома имзолайди. Битим томонлар ўртасида келишилган ва маъқулланган. Қайд этилишича, футболчининг иш ҳақи кўтарилади, у "қизил иблислар" лойиҳасининг асосий қисми бўлиб қолади.

Маълумот учун, Диалло жорий мавсумда 18 та ўйин ўтказиб, 3 та гол ва 6 та голли узатмани амалга оширди. Футболчининг клуб билан амалдаги шартномаси шу йилнинг ярмига қадар мўлжалланган эди.