МЮ Ибрагимовични ортга қайтармайди

Швециялик ҳужумчи Златан Ибрагимович қишки трансферлар даврида "Манчестер Юнайтед"га қайтмайди.

Sky Sports нашри тарқатган хабарга кўра “қизил иблислар” бош мураббийи Уле Гуннар Сульшер жамоанинг ҳужум чизиғини бошқа футболчилар билан кучайтирмоқчи.

Эслатиб ўтамиз, Ибрагимовичнинг “Лос Анжалес Гелакси” билан амалдаги шартномаси декабрь ойида ўз ниҳоясига етади ва у эркин агентга айланади. Бундан аввалроқ Златаннинг “Милан”га ўтиши борасида хабарлар тарқалган эди.