МЮ Лукакуни қанчага баҳоламоқда?

"Манчестер Юнайтед" клуби раҳбарияти жамоа ҳужумчиси Ромелу Лукакуни 85 миллион евродан камига сотмоқчи эмас. Бу ҳақда Sky Sports хабар тарқатмоқда.

Бироқ, юқоридаги манбаага кўра ҳозирча бирорта клуб 26 ёшли бельгиялик футболчи учун “қизил иблислар” сўраётган маблағни таклиф қилмаган. Айтиш керакки Лукаку учун асосий даъвогар “Интер” ҳисобланади. Аммо, “нерадзуррилар” ҳам унинг трансфери учун 85 млн евро сарфламоқчи эмас.

Маълумот учун, Лукаку МЮ сафида 2017 йилдан буён тўп суриб келмоқда. У ўтган мавсум АПЛда 32та ўйинда майдонга тушди ва 12та гол уришга эришди. Унинг клуб билан амалдаги шартномаси 2022 йилга қадар имзоланган.