“МЮ” мавсумда илк бор ТОП-6 ликдаги клубни енгди

Англия чемпионати 22-тур марказий ўйинида “Манчестер Юнайтед” жамоаси сафарда “Тоттенхэм” футболчилари билан баҳслашди.

Маркус Рэшфорд томонидан киритилган ягона гол манкунианларга муҳим 3 очкони тақдим қилди. “МЮ” жорий мавсумда илк бор ТОП-6 ликдаги жамоани таслим қилиш уддасидан чиқди.

Декабрь ойида Жозе Моуриньо ўрнига вақтинчалик бош мураббий этиб тайинланган Оле-Гуннар Сульшер қўли остида “қизил иблислар” қаторасига 5 та ғалабани қўлга киритди.  

Айни вақтда “МЮ” 22-турдан кейин 41 очко билан 6-ўринда бормоқда. “Арсенал” худди шунча очко билан яхшироқ тўплар нисбатига кўра 5-поғонада турибди.