МЮ Онанага ўринбосар сифатида Испаниянинг гранд клуби дарвозабонини кўрмоқда

Испаниянинг "El Chiringuito" нашри хабарига кўра, "Манчестер Юнайтед" Мадриднинг "Реал" клуби дарвозабони Андрей Лунин билан жиддий қизиқмоқда. 
 
Хабарингиз бор, Андре Онана сўнгги ўйинларда муваффақиятсиз ҳаракат қилмоқда, бу эса жамоанинг натижасига таъсир кўрсатмоқда. Шу боис, "қизил иблислар" ёзги трансферлар ойнасида дарвозабон чизиғини кучайтиришни режалаштирмоқда ва украиналик посбон уларга асосий номзодлардан бири сифатида қаралмоқда. 
 
Лунин ушбу мавсумда "Реал" сафида бир қатор муҳим ўйинларни ўтказди ва ўзининг ишончли ўйини билан кўплаб гранд жамоаларнинг эътиборини тортди. Манчестерликлар эса сўнгги кунларда унинг ҳолатини кузатиб бормоқда ва келаси трансферлар ойнасида таклиф билан чиқиши мумкин. Манбага кўра, англияликлар футболчи учун "қироллик клуби"га 40 миллион евро таклиф қилишн ўйламоқда. 
 
Маълумот ўрнида, 26 ёшли посбон жорий мавсум "қаймоқранглилар" сафида 9 та учрашувда майдонга тушиб, 12 та тўпни ўз дарвозасидан олиб чиқди. 4 та баҳсни "қуруқ" серия қайд этишга муваффақ бўлди.