МЮ Погбадан қутилиш йўлини топди

“Манчестер Юнайтед” раҳбарияти Поль Погбадан тезроқ қутилиш учун уни “Реал” ёки “Ювентус”га ўтказиб юбормоқчи. Бу клублар ҳам трансфер учун пул тўлаши аниқ эмас. Шунинг учун манчестерликлар франциялик футболчини мадридликлар ёки туринликлар футболчисига алмаштиришни режалаштирмоқда.

“Реал” таркибида Сульшер керак бўлган икки футболчи тўп сурмоқда. “Манчестер Юнайтед” ҳимоячи Рафаэль Варан ва ярим ҳимоячи Лукас Васкесга харидор ҳисобланади ва Погба учун шу икки футболчидан бирини сўрамоқда.

Агар Погбани “Ювентус” қайтариб оладиган бўлса, англияликлар Пирло жамоасидан ҳужумчилар – Пауло Дибала, Криштиану Роналду ёки ярим ҳимоячи Аарон Рэмзини беришни талаб қилмоқчи.