МЮ "Қатар-2022"да хет-трик қилган ҳужумчи учун катта пул сарфлашга тайёр

"Манчестер Юнайтед" "Бенфика" ҳужумчиси Гонсалу Рамушни ўз сафига қўшиб олишга тайёр, дея хабар бермоқда "The Sun" нашри. 

Маълум бўлишича, "қизил иблислар" раҳбарияти уни Европанинг энг истеъдодли страйкерларидан бири, деб ҳисоблайди ва у учун 69 миллион евро тўлашга тайёр. Аслида, манкуниаликлар уни қишки трансфер ойнасидаёқ ўз сафига қўшиб олишга тайёр эди. Бироқ молиявий муаммолар туфайли улар Ваут Вегорстни ижарага олишга мажбур бўлган. 

У ўтган мавсум "Бенфика" сафида 47 та учрашувда майдонга тушиб, 27 та гол ҳамда 12 та ассист муаллифига айланган.