МЮ раҳбари клубда янги тизим жорий қилмоқчи

"Манчестер Юнайтед" эгаси Жоэл Глейзер анча вақтдан буён ечимсиз қолаётган спорт ишлари бўйича директор лавозимини жорий қилиш бўйича буйруқ берди.

Жамоа бошқарувидан Дэвид Гилл ва Алекс Фергюсон кетганидан сўнг, трансфер ишлари билан клуб вице-президенти Эд Вудворд шуғулланди, музокараларни Мэтт Жуж олиб борди.

Ўтган ўн йил мобайнида манкунианликлар трансферлар учун миллиард фунт стерлингдан кўп маблағ сарфлади, шунинг учун катта Глейзер клубда ишчилар таркибини қайта кўриб чиқиш ва мавсум сўнггигача янги тизим жорий қилишни режалаштирмоқда.