МЮ раҳбарлари футболчилар билан суҳбатлашиб, уларнинг Аморим ҳақида фикрларини ўрганишди

"Манчестер Юнайтед" бош директори Умар Беррада ва клуб директори Жейсон Уилкокс жамоанинг баъзи футболчилари, жумладан, сардор Бруну Фернандеш билан суҳбатлашиб, футболчилар ҳамон бош мураббий Рубен Аморимга ишонишларига ишонч ҳосил қилишди. Бу ҳақда ESPN хабар бермоқда.

Манбага кўра, бу мулоқот норасмий характерга эга бўлиб, португалиялик мутахассиснинг клубдаги келажагини олдиндан белгилаб беришга қаратилмаган. Таъкидланишича, футболчилар 40 ёшли мураббий ҳақида ижобий фикрда, жамоада яхши муҳит ҳукм сурмоқда.

Англия чемпионатининг 7 туридан сўнг "Манчестер Юнайтед" очколарини 10 тага етказиб, 10-ўринда бормоқда.