МЮ "Реал"нинг ғалабалари "калит"ини олиб келмоқчи
"Реал" Мадрид бош мураббийи Карло Анчелотти фаолиятини Англия Премьер-лигасида давом эттириши мумкин.
ESPN манбасининг ёзишича, "Манчестер Юнайтед" италиялик мутахассисни олиб келмоқчи. Инглиз клуби Анчелотти жамоани қисқа муддатда юқори ўринларга олиб чиқишига ишонмоқда. Шунингдек, мураббий "қизил иблислар" афсонаси Сэр Алекс Фергюсон билан ҳам анча яхши муносабатларга эга.
Карлонинг катта тажрибаси ҳам бу келишув амалга ошишига туртки бериши кутиляпти. Боиси, 62 ёшли мутахассис "Челси" билан АПЛда, "Милан" бошқарувида Европа Чемпионлар лигасида бош совринга эга чиққан.
Анчелотти жорий мавсум аввалида "Эвертон"дан "Реал"га келди ва мадридликлар билан Испания Суперкубогида ғалаба қозонди. Бундан ташқари, "қироллик клуби" ЕЧЛ нимчорак финалига йўл олди ва Ла Лига пешқадами бўлиб турибди.
Фикрлар