МЮ "Реал"нинг захирада қолиб кетаётган футболчисини сотиб олмоқчи

"Реал" клубининг ярим ҳимоячиси Арда Гюлер Англия чемпионатига йўл олиши мумкин. Сўнгги пайтларда матбуот турк футболчисини Премьер-лига клублари билан тез-тез боғламоқда.

"Todo Fichajes" нашрининг ёзишича, агар Арда Гюлер трансферга очиқ бўлса, "Манчестер Юнайтед" уни харид қилиш учун 60 миллион евро таклиф қилиши мумкин.

Аввалроқ 20 ёшли Арда Гюлер "Арсенал" ва "Ливерпуль" клубларининг ҳам диққат марказида экани ҳақида хабарлар пайдо бўлган эди.

Жорий мавсумда Гюлер "Реал" сафида кам ўйин амалиётига эга бўлмоқда. "Transfermarkt" портали мутахассисларига кўра, футболчининг трансфер қиймати 45 миллион еврога тенг.