МЮ скаутлари Пулишични кузатишмоқда

“Манчестер Юнайтед” клуби “Боруссия” Дортмунд ярим ҳимоячиси Кристиан Пулишичнинг хизматларига жиддий қизиқа бошлади.

The Daily Mail нашрининг маълум қилишича МЮ скаутлари 19 ёшли АҚШлик футболчини жиддий кузатув остига олишган. Манкуанликлар устози Жозе Моуринью ёзда жамоасига марказий ва қанот ярим ҳимоячилари сотиб олишни режалаштирмоқда. Пулишич эса ушбу позициялардан бирида МЮ либосида пайдо бўлиши мумкин.

Эслатиб ўтамиз, бундан аввалроқ Пулишичга “Ливерпуль” ҳамда “Бавария” клублари ҳам жиддий қизиқиш билдираётгани ҳақида хабарлар тарқалган эди.

Маълумот учун, АҚШнинг 2017 йилдаги энг яхши футболчиси жорий мавсум Бундеслигада жами 16та учрашувда иштирок этиб, ўз ҳисобига 3та гол ҳамда 1та голли узатма ёздириб қўйишга эришган.