МЮ собиқ футболчиси АПЛга қайтиши мумкин

"Манчестер Юнайтед" собиқ футболчиси Мэйсон Гринвуд яна АПЛга қайтиши мумкин. Бу ҳақда "Fichajes" нашри хабар бермоқда. 

Манба маълумотига кўра, 24 ёшли футболчининг хизматларига АПЛнинг икки гранди "Ливерпуль" ва "Тоттенхэм" қизиқиш билдирмоқда. Форвард жорий мавсум "Марсель" сафида ҳаракат қиляпти. Маълум бўлишича, Франция клуби Гринвуд трансферидан 90 миллион евро ишлаб олишни режалаштирмоқда. Бу ҳолатда МЮ келишув суммасининг 50 фоизи миқдорида компенсация олади. 

Англиялик футболчининг айни вақтда "трансфермаркт" порталидаги нархи 50 миллион еврога баҳоланмоқда. 

Эслатиб ўтамиз, Мэйсон жорий мавсум Франция клуби сафида 32 та учрашувда майдонга тушиб, 22 та гол киритди ва 8 та голли узатма амалга оширишга эришди.