МЮ требл қайд этган футболчини нишонга олди

"Интер" ярим ҳимоячиси Иван Перишич фаолиятини "Туманли Альбион"да давом эттириши мумкин. "Corriere dello Sport" маълумотларига кўра, 31 ёшли футболчи хизматига "Манчестер Юнайтед" қизиқиш билдирмоқда.

"Қизил иблислар" бир неча йилдан бери хорватиялик футболчини қўлга киритишга ҳаракат қилиб келарди. Аммо ҳар сафар музокаралар охирига етмай қолган. Энди Перишич миланликлар асосий таркибидаги ўрнини йўқотди ва янги чақирувларга тайёр.

Жорий мавсум Иван "нерадзурри"лар либосида 17 та ўйинда майдонга тушиб, 2 тадан гол ва ассистни ўз ҳисобига ёздириб қўйишга муваффақ бўлган. Ўтган мавсум у ижара асосида "Бавария" шарафини ҳимоя қилди ва требл қайд этишга эришди.