МЮ ва "Интер" қишда "Бавария" ҳужумчисини сотиб олишга уруниб кўради

“Бавария” клуби ҳужумчиси Томас Мюллер давралар оралиғида жамоасини ўзгартириши мумкин. Бу ҳақда SportBild нашри хабар тарқатмоқда.

Юқоридаги манбаага кўра 30 ёшли немис футболчисига “Манчестер Юнайтед” ва “Интер”дан қизиқишлар мавжуд. Айтиш керакки, “нерадзуррилар” Мюллер масаласида ўтган ёзги трансферлар даврида мюнхенликлар билан алоқага чиққан, энди улар футболчининг хоҳишидан фойдаланиб яна бир бор уни сотиб олишга уруниб кўришмоқчи.

Маълумот учун, Мюллер жорий мавсум Бундеслигада жами 8 та ўйинда майдонга тушди ва 4 та голли узатмага муаллифлик қилишга эришди.