МЮ ёзда 5 нафар футболчи сотиб олишни режалаштирмоқда

"Манчестер Юнайтед" клуби бош мураббийи Уле-Гуннар Сульшер жамоа раҳбариятидан ёзги трансферлар даврида таркибни кучайтиришни сўради.

The Telegraph нашри тарқатган хабарга кўра норвегиялик мутахассис мавсумлар оралиғида ўнг қанот ва марказий ҳимоя, шунингдек ярим ҳимоя (2та) ва ҳужум (1та) чизиқларини янги футболчилар билан кучайтирмоқчи.

Эслатиб ўтамиз, бундан аввалроқ “қизил иблислар” ҳимоячи Аарон Уан-Биссака ("Кристал Пэлас"),  ярим ҳимоячилар Жейдон Санчо ("Боруссия" Дортмунд), Сауль Ньигес, Родри Эрнандес, Тома Парти (барчаси - "Атлетико"), Филиппе Коутиньо ("Барселона") ва ҳужумчи Дуглас Косталарга ("Ювентус") қизиқиш билдираётгани ҳақида хабарлар тарқалган эди.