МЮ ёзда "Ювентус" ҳимоячисини сотиб олишга уруниб кўрмоқчи

"Ювентус" ҳимоячиси Жоау Канселу "Манчестер Юнайтед"нинг қизиқишлар доирасига кириб қолди.

La Gazzetta dello Sport нашри тарқатган хабарга кўра манкуанликлар 24 ёшли футболчини яқинлашиб келаётган ёзги трансферлар даврида сотиб олишга уриниб кўришмоқчи. Ўз навбатида эса “кекса синьора” португалиялик футболчисини 60 млн евродан камига қўйиб юбормоқчи эмас.

Таъкидлаш керакки, Канселуга шунингдек “Манчестер Сити” ҳам жиддий қизиқмоқда.

Маълумот учун, Жоау Канселу жорий мавсум “Ювентус” сафида жами 32та ўйинда майдонга тушди ва ўз ҳисобига 1та гол ҳамда 8та голли узатма ёздириб қўйишга эришди. Унинг туринликлар билан амалдаги шартномаси 2023 йилга қадар имзоланган.