MYu yozgi transferlar oynasida katta byudjetga ega bo‘lishi mumkin. Faqat...

  • 15 may, 14:01
  • Ali Ahmadxo’jayev
  • 0
  • Futbol
CHERY AUTO

"Manchester Yunayted" rahbariyati yozgi transfer oynasida jamoa tarkibini kuchaytirmoqchi. Bu haqda Givemesport nashri xabar berdi.

Manbaga ko‘ra, "qizil iblislar" yangi futbolchilar xaridiga kamida 200 million funt sarflashni rejalashtirmoqda. Biroq, bu faqat bitta muhim shart bajarilgandagina amalga oshadi – agar mankunianliklar Evropa Ligasi g‘olibiga aylansa. Ushbu musobaqadagi g‘alaba "Manchester Yunayted"ga kelasi mavsum UEFA Chempionlar ligasida ishtirok etish imkonini beradi.

Evropa Ligasi finalida Ruben Amorim shogirdlari Londonning "Tottenxem" jamoasiga qarshi maydonga tushadi. Uchrashuv 21 may, chorshanba kuni bo‘lib o‘tadi.

Ma’lumot o‘rnida, oxirgi 5 ta o‘zaro o‘yinlarda MYu "shporlar"ni mag‘lub eta olmayapti. London klubi  4 ta g‘alaba va bitta durang natija qayd etishgan.

Fikrlar

Sort comment:
Fikr qoldirish uchun avtorizatsiyadan o'ting!