MYudan dahshatli o‘yin, Kavanidan dubl

"Manchester Yunayted" Angliya Premer ligasi 11-turi doirasida "Sautgempton"ga safar uyushtirib, muhim g‘alabani qo‘lga kiritdi.

O‘yin dahshatli stsenariy ostida o‘tdi. O‘yinning 23-daqiqasida burchakdan uzatilgan pasni Bednarek gol bilan yakunladi. Oradan o‘n daqiqa o‘tganidan so‘ng, Uord Prouz jarimadan darvozani aniq nishonga oldi.

Ikkinchi taymda Ule Gunnar Sulsher Edinson Kavanini maydonga tushirib, o‘yinda keskin burilish qila oldi. Uchrashuvning 60-daqiqasida Brunu Fernandesh Edinson Kavanidan pasni qabul qilib olib, chiroyli zarba bilan hisobni qisqartirdi. Goldan ruhlangan "qizil iblislar" hujumlari sonini oshirishdi va 74-daqiqada Edinson Kavaniga Brunu Fernandeshning uzatmasini gol bilan yakunladi. Ikkinchi taymga qo‘shib berilgan daqiqalarda Markus Reshford raqib jarima maydoniga to‘pni uzatib berdi, to‘pga birinchi etib kelgan Edinson Kavani to‘pni darvozaga to‘g‘rilab qo‘ydi.

Shu tariqa, "Manchester Yunayted" 9 o‘yinda 16 ochko to‘plab, 7-o‘ringa ko‘tarilib oldi.