МЮдан кетган Погбанинг қайси жамоага ўтиши деярли аниқ

"Ювентус" раҳбарияти франциядик ярим ҳимоячи Поль Погбани яна жамоага қайтариш устида ишламоқда.

Бугун "Манчестер Юнайтед" июнь ойи охирида эркин агентга айланадиган 29 ёшли футболчининг жамоадан кетишини эълон қилди.

Тез орада Турин клуби раҳбарияти футболчининг вакиллари билан яна учрашади. Томонларнинг бу борадаги биринчи учрашуви май ойида бўлиб ўтган эди.

Эслатиб ўтамиз, Погба учун “Ювентус” бегона эмас. У 2012 йилдан 2016 йилгача айнан Турин супер клуби шарафини ҳимоя қилган ва кейинчалик “Манчестер Юнайтед”га йўл олган.