Myuller: "Bunday holatlar Madridda tez-tez sodir bo‘lib turadi"

Chempionlar ligasi yarim finalidan o‘rin olgan "Real" - "Bavariya" uchrashuvida madridliklar superkambek amalga oshirib, finalga yo‘l oldi. 

Uchrashuvga qo‘shib berilgan daqiqalar o‘tib borayotgan bir paytda myunxenliklar hujumga o‘tishdi va yordamchi hakam bayroqchasini ko‘tardi. Shu paytda esa De Ligt darvozani ishg‘ol qildi, lekin gol hisobga olingani yo‘q. 

O‘yindan keyin Tomas Myuller bu borada jahl bilan quyidagi so‘zlarni aytdi:

"Bunaqa holatlar Madridda tez-tez sodir bo‘lib turadi. U VARga murojaat ham qilib o‘tirmadi. Hakamning bunaqa erta hushtakni chalishi g‘alati-ku. Men bunday vaziyatga oldin ham, Ronaldular davrida duch kelganman. Ammo o‘sha paytlarda VAR tizimi yo‘q edi".