Мюллерга MLS ва Саудия чемпионатидан таклиф бор

"Бавария" ҳужумчиси Томас Мюллер келаси мавсумда фаолиятини бошқа қитъада давом эттириши мумкин. Олдинроқ журналист Кристиан Фалк германиялик футболчиси Мюнхен клубини тарк этиш ҳақида ўйлаётганини айтганди. Манбанинг қўшимча қилишича, футболчига аллақачон MLS ва Саудия Арабистони клубларидан таклифлар тушган.

Фалкнинг сўзларига кўра, Мюллер "Бавария"нинг кейинги мураббийига асосий таркибда ўйнашга лойиқ эканлигини исботлашдан чарчаган. MLS ва Саудия Арабистони клубларининг қизиқишига қарамай, Томаснинг ўзи ўз уйида Евро-2024га тайёр бўлиш учун ҳеч бўлмаганда кейинги мавсумда Европада қолмоқчи.

Маълумот учун, Мюллернинг "Бавария" билан шартномаси кейинги мавсум охирида тугайди.