Nagelsman nima sababdan ishdan bo‘shatildi?

Germaniya OAVlarida Yulian Nagelsmanning "Bavariya" bosh murabbiyligidan chetlatilishining yana bir sababi e’lon qilindi. Bu haqda jurnalist Kristian Falk xabar berdi.

Manbaga ko‘ra, 35 yoshli mutaxassis jamoa tomonidan qo‘llab-quvvatlanmadi. Turnir jadvalidagi holat "Bavariya" rahbarlari Nagelsmanga qarshi chiqishiga sabab bo‘ldi va futbolchilar endi uning taktik qarorlariga ishonmaydi.

Bungacha "Borussiya", "Chelsi" va PSJ klublarida ishlagan Tomas Tuxel yaqin orada "Bavariya"ning yangi bosh murabbiyi etib tayinlanadi. Tomonlar muzokaralar olib bordi va 2,5 yillik shartnomaga kelishib oldi.