Нагелсьман нима сабабдан ишдан бўшатилди?

Германия ОАВларида Юлиан Нагельсманнинг "Бавария" бош мураббийлигидан четлатилишининг яна бир сабаби эълон қилинди. Бу ҳақда журналист Кристиан Фалк хабар берди.

Манбага кўра, 35 ёшли мутахассис жамоа томонидан қўллаб-қувватланмади. Турнир жадвалидаги ҳолат "Бавария" раҳбарлари Нагельсманга қарши чиқишига сабаб бўлди ва футболчилар энди унинг тактик қарорларига ишонмайди.

Бунгача "Боруссия", "Челси" ва ПСЖ клубларида ишлаган Томас Тухель яқин орада "Бавария"нинг янги бош мураббийи этиб тайинланади. Томонлар музокаралар олиб борди ва 2,5 йиллик шартномага келишиб олди.