Нагельсманн жаҳон чемпионатида қайси дарвозабон ўйнашини ҳал қилди

Германия терма жамоаси бош мураббийи Юлиан Нагельсманн 2026 йилги жаҳон чемпионатида қайси дарвозабон асосий дарвозабон бўлишини ҳал қилди - бу “Хоффенхайм”дан Оливер Бауманн, деб хабар беради Kicker.de нашри.

"Мануэл Нойер терма жамоадаги фаолиятини якунлади. Менимча, у ҳали ҳам жуда яхши ўйнайди, у ажойиб дарвозабон, лекин Оливер Бауманн сиймосида бизда яхши дарвозабон ҳам бор. Агар Оли бундан кейин ҳам ҳозиргидек яхши формада бўлса, унда ажойиб жаҳон чемпионати бўлади. Дарвозабоннинг позицияси борасида менда ҳеч қандай хавотир йўқ", - деди Нагельсманн.

Эслатиб ўтамиз, Бауманн терма жамоада Нойернинг ўрнини эгаллаши керак бўлган Марк-Андре тер-Штегеннинг жароҳати фонида Германия терма жамоасида ўйнаш имкониятига эга бўлди. Нагельсманн "Барселона" посбони ҳақида гапирди.

"Тер Штеген учун бу фожиали ҳолат. Терма жамоадаги тарихига қараганда, энди унинг ўйнаш навбати келди. Китоб ҳали ёпилмаган, аммо у терма жамоага қайтиши жуда қийин бўлади. Биз нафақат бу танаффусни, балки ундан олдинги даврни ҳам ҳисобга олишимиз керак. У деярли бир йил умуман ўйнамади", - дея хулоса қилди германиялик мураббий.

Эслатиб ўтамиз, Нагельсманн жамоаси жаҳон чемпионати гуруҳ босқичида Кюрасао, Кот-дъИвуар ва Эквадорга қарши баҳс олиб боради.